Fai tempo que quería falar no blog deste libro; pero ata día de hoxe non
puiden lelo e como sempre gústame lelos libros antes de recomendalos.
Este libro escribírono tres profesores da USC: M.R.Bermejo, A.M
González-Noya e Miguel Vázquez. O ano pasado tiven o pracer de que unha das
autoras deste libro fose a miña profesora, e recomendounos o libro e a min
pareceume moi interesante.
Este libro fala como o seu nome indica sobre os elementos químicos da táboa
periódica.
Inicialmente explica, os símbolos utilizados en química para falar dos
elementos. Explica como foron evolucionando e como se utilizan.
Despois, fala de como se descubriu cada un dos elementos químicos da táboa
periódica e porque ten eses nome e símbolo.
Finalmente, explica unhas regras que se están seguindo para nomear e facer
os símbolos dos últimos elementos descubertos na táboa periódica e os autores
dan a súa opinión sobre esta última tendencia.
Finalizan o libro deixando a porta aberta para que, axiña, entren novos
elementos na Táboa Periódica. É posible que cando leas o libro haxa algún
elemento novo descuberto.
A pesar deste ultimo detalle considero que a lectura deste libro é
interesante e recoméndovola.
29/02/2016
Descubrirlaquimica2. Estudiante de química en la USC
